L'incumbensa da la planisaziun dal territori è quella da procurar per in'utilisaziun spargnusa dal terren e per ina colonisaziun ordinada. Per quest intent la stattan a disposiziun differents instruments: concepts e plans secturials, plans directivs chantunalas e regiunals, plans d'utilisaziun communals e.u.v. Tut quests instruments e tut questas planisaziuns sa fundan sin documents da basa. Quai èn: studis, inventaris, models directivs, statisticas, analisas, calculaziuns da la capacitad e.a. Ina rolla impurtanta ha en quest connex l'observaziun dal territori. Ella cumpiglia l'analisa sistematica da svilups territorials areguard problems specifics dal svilup dal territori e da la politica da l'organisaziun dal territori. Ulteriurs documents da basa – sco agids da lavur, mussavias e manuals – servan en spezial a realisar ils instruments da la planisaziun dal territori.