Monitoring e controlling dal plan directiv

Il monitoring cumpiglia l'observaziun e la descripziun sistematica dal svilup dal territori, e quai cun agid da las analisas da las serias temporalas statisticas e cartograficas. El ha l'intent da descriver ils svilups sur in temp pli lung e d'als interpretar objectivamain, per pudair mussar tendenzas da svilup. Il controlling ha la finamira da cumparegliar il svilup dal territori effectiv cun il svilup dal territori ch'ins ha vulì cuntanscher sco ch'el è descrit en las ponderaziuns da basa ed en ils princips dal plan directiv (cumparegliaziun da la situaziun effectiva e da la situaziun previsa) e da giuditgar sin basa da quai, quant enavant che las finamiras da svilup èn vegnidas cuntanschidas (controlling, sche las finamiras èn vegnidas cuntanschidas). Il controlling sa referescha ad ina perioda specifica, en il rapport da controlling 2011 qua avant maun è il focus principalmain sin il svilup da 2000 fin 2010.