La promoziun chantunala d'alloschaments duai garantir ina purschida d'alloschament cumpetitiva sco er promover il svilup turistic d'ina regiun.
A projects d'investiziun d'interpresas d'alloschament pon vegnir concedids emprests chantunals e contribuziuns chantunalas. Per ch'ina promoziun saja pussaivla, ston – tenor las directivas – ils suandants criteris esser ademplids:
- i sa tracta d'in project impurtant u innovativ per l'economia regiunala;
- tras quai vegn augmentada la qualitad da la purschida;
- in'utilisaziun commensurada da l'agen chapital è garantida;
- ina finanziaziun fundamentala confurma al martgà è avant maun;
- il project ha almain in volumen d'investiziun da 0,5 milliuns francs.
Per in'emprima cussegliaziun s'annunzian persunas interessadas tar la Societad svizra da credit d'hotel SCH. Dumondas per prestaziuns da promoziun chantunalas ston vegnir inoltradas al UET cun ils suandants documents, e quai avant il cumenzament da las lavurs da construcziun dal project respectiv:
- Posiziun da la SCH
- Descripziun dal project
- Preventiv
- Plan da finanziaziun