La promoziun chantunala da telefericas duai contribuir al rinforzament da la cumpetitivitad d'interpresas da telefericas sco er a l'optimaziun ed a l'augment da la qualitad da la purschida totala.
A projects d'investiziun d'implants da transport e d'ennavar pon – sa basond sin las directivas – vegnir concedids emprests federals e contribuziuns chantunalas (prestaziun d'equivalenza), sche
- els optimeschan la purschida generala ed augmentan la qualitad;
- las atgnas prestaziuns pretendiblas èn vegnidas furnidas ed eventualas prestaziuns da terzas persunas èn exauridas;
- la supportabladad economica dal project è cumprovada;
- ils criteris tenor il rapport «Update da la strategia per promover las telefericas en il chantun Grischun» èn ademplids;
- il project ha almain in volumen d'investiziun dad 1 milliun francs;
- il stabiliment correspunda a la strategia regiunala per il svilup da l'economia locala sco er a las prescripziuns da la planisaziun dal territori e da l'ecologia;
- i vegn – sco segirezza per il rembursament da l'emprest federal – prestada ina garanzia communala.
Dumondas per prestaziuns da promoziun ston vegnir inoltradas sur la regiun pertutgada al UET cun ils suandants documents, e quai avant il cumenzament da las lavurs da construcziun dal project respectiv: