La finamira da la promoziun chantunala d'infrastructuras relevantas per il sistem è:

• il rinforzament dal sistem dal turissem regiunal
  
• il rinforzament da la direcziun strategica da la destinaziun turistica
  

Ad infrastructuras relevantas per il sistem pon – sa basond sin la Directiva concernent la concessiun da contribuziuns ad infrastructuras relevantas per il sistem (disponibel per tudestg e talian) – vegnir concedidas contribuziuns chantunalas, sche

• i sa tracta d'in project spezialmain innovativ u d'in project cun in niz spezial per l'economia publica;
  
• infrastructuras existentas èn resguardadas;
  
• las atgnas prestaziuns pretendiblas èn vegnidas furnidas ed eventualas prestaziuns da terzas persunas èn exauridas;
  
• in concept da gestiun è avant maun;
  
• la supportabladad economica dal project è cumprovada; ed
  
• ellas èn per regla accessiblas a la publicitad.
  

Dumondas per prestaziuns da promoziun chantunalas ston vegnir inoltradas al UET cun ils suandants documents, e quai avant il cumenzament da las lavurs da construcziun dal project respectiv:

• Descripziun dal project
  
• Preventiv
  
• Plan da finanziaziun
  
• Posiziun da la vischnanca da staziunament (incl. indicaziuns davart il sustegn finanzial dal project tras la vischnanca)
  
• Posiziun da la regiun (motivaziun qualitativa e quantitativa cumplessiva da l'impurtanza e da la prioritad dal project per l'entir sistem turistic en la regiun pertutgada)