Il Program da turissem dal Grischun 2014–2023 è scadì la fin da l'onn 2023. Ins po dir ch'il program da 10 onns ha gì success. El era vegnì lantschà da la Regenza per dar impuls cun cleras finamiras a l'economia turistica.
L'onn 2014 ha la Regenza grischuna lantschà il «Program da cooperaziun per il turissem grischun». La finamira dal program eri da rinforzar l'interacziun tranter ils differents furniturs da prestaziuns e da promover la forza innovativa da las destinaziuns, da render cumpetitivs lur products e da plazzar uschia il Grischun sin ina posiziun prominenta en ils conturns turistics naziunals ed internaziunals. Cun il program han ins pudì sustegnair passa 70 projects cun in volumen da promoziun da 15,5 milliuns francs. Er in'analisa da la firma Econcept SA conferma il success ed attestescha al program da promoziun in grond effect integrativ ed interdisciplinar.
Download: Schlussbericht «Evaluation Tourismusprogramm Graubünden 2014–2023»
Download: Geförderte Projekte und laufende Abklärungen, Stand 31.12.2023
«Agid d'orientaziun per il turissem grischun»
L'«Analisa da la situaziun per il turissem grischun» (2023) ch'il Cussegl turistic ha preschentà, sa referescha al Cudesch alv (2017). Ella mussa schanzas e privels per il turissem grischun e serva sco agid d'orientaziun. En la publicaziun, che cumpiglia 20 paginas, vegnan skizzads ils champs d'acziun impurtants e trends sco er formuladas recumandaziuns d'agir. Grazia a sia diversitad da la purschida e grazia a la gronda surfatscha dal chantun, ha il turissem grischun avantatgs economics substanzials che ston er en l'avegnir vegnir tratgs a niz cun cleras finamiras.
Download: «Standortbestimmung zum Bündner Tourismus» (disponibel mo per tudestg)
Communicaziun: Terminà cun success il Program da turissem dal Grischun
«Cudesch alv per il turissem grischun»
Per orientar strategicamain e per accumpagnar la realisaziun dal Program da turissem dal Grischun 2014-2023 ha la Regenza grischuna installà in cussegl. Quel ha publitgà il «Cudesch alv per il turissem grischun» la fin da november 2017.
Il cudesch alv po vegnir empustà cun inditgar il dumber giavischà ed in'adressa postala (tourismus@awt.gr.ch).
Chargiar giu: «Cudesch alv per il turissem grischun» (versiun online)
Chargiar giu: «Cudesch alv per il turissem grischun» (versiun per stampar)
Chargiar giu: «Il libro bianco per il turismo grigionese»