L'Uffizi federal da statistica calculescha mintga 5 onns scenaris demografics per ils chantuns che sa basan sin ils scenaris ils pli actuals per l'entira Svizra. En quest connex sa tracti d'ina regiunalisaziun dals scenaris naziunals (resp. da lur metodas ed ipotesas). I vegnan calculads trais differents scenaris.

En collavuraziun cun auters uffizis lascha l'Uffizi per il svilup dal territori dal Grischun far da temp en temp ina perspectiva demografica actuala per il chantun Grischun che permetta da far constataziuns detagliadas fin al stgalim da las vischnancas.