En il rom da la Lescha davart la promoziun da la transfurmaziun digitala en il Grischun è ils 10 da matg 2021 vegnida fundada l'Uniun GRdigital sco organisaziun spezialisada interdisciplinara. L'uniun surpiglia incumbensas centralas per promover la digitalisaziun en il Grischun. Cun l'uniun GRdigital ha il chantun fatg ina incarica da prestaziun en chaussa.

Inoltraziun da dumondas

Actualmain na pon vegnir inoltradas eD acceptadas naginas dumondas pli a l'Uniun GRdigital cun agid dal formular online. La raschun è quella che las contribuziuns gia garantidas sco er las summas ch'èn vegnidas dumandadas cun las dumondas pendentas cuntanschan il credit da 40 milliuns francs.

Tgi che vul far ina dumonda, sto perquai as drizzar sco prim per telefon, per e-mail u per formular da contact a GRdigital per s'infurmar davart la situaziun.

Tel: +41 (0)81 250 69 11

E-mail: info@grdigital.digital

Link tar il formular da contact

Per promover la transfurmaziun digitala en il chantun Grischun exista in credit da 40 milliuns francs. Fin mez mars ha la Regenza garantì bundant 20 milliuns francs per differents projects. Ultra da quai èn actualmain pendentas dumondas per contribuziuns da passa 20 milliuns francs. Ensemen cun ils custs d'administraziun per l'uniun GRdigital veegn pia gia cuntanschida l'autezza dal credit.

Sco prim ston pia vegnir examinadas ed elavuradas las dumondas pendentas. Sch'i sa mussa che quellas na pon betg vegnir promovidas cumplainamain u parzialmain, pon vegnir acceptadas ed elavuradas novas dumondas.

Igl è pia vinavant pussaivel d'inoltrar dumondas, dentant pir suenter in contact direct cun GRdigital per che las petentas ed ils petents possian vegnir infurmads detagliadamain schebain igl è anc raschunaivel d'inoltrar ina dumonda u betg.

Dumondas promovidas

Infurmaziuns davart las dumondas promovidas enfin uss chattais tar GRdigital.

Criteris da promoziun

La Regenza ha approvà il model directiv da promoziun ed ils criteris da promoziun. Sin basa da tals examinescha e giuditgescha GRdigital las dumondas. Els furman er la basa per la decisiun da promoziun da la Regenza.

Model directiv da promoziun

Criteris da promoziun

Basa giuridica chantunala

Lescha davart la promoziun da la transfurmaziun digitala en il Grischun (LTD)

Ordinaziun davart la promoziun da la transfurmaziun digitala en il Grischun (OTD)

Ulteriuras infurmaziuns davart il tema

Digitale Transformation in Graubünden, Februar 2018 (HTW Chur) (PDF)