CII signifitga "collavuraziun interinstituziunala". Manegiada è ina stretga collavuraziun tranter uffizis da lavur, uffizis dal servetsch social, uffizis da la AI, vischnancas, cussegliaziuns professiunalas ed autras instituziuns. 
 

Intent e finamira

• puspè integrar las persunas pertutgadas uschè svelt sco pussaivel en il martgà da lavur
• gidar a tschertgar ina nova plazza / intermediar lavur
• impedir che las persunas pertutgadas vegnian exclusas or da la vita professiunala ed or da la vita da cuminanza
• promover la cumpetenza persunala, sociala e professiunala da las participantas e dals pariticipants
• utilisar cuminaivlamain las mesiras per il martgà da lavur dal CIL, da la AI, dal USo
• respargns da custs

Purschida da plazzas en gruppa e da plazzas individualas

 
Dapi il matg 2004 purschain nus en noss program differentas activitads en furma da plazzas da trenament. Tranter 15 e 20 participantas e participants lavuran cun lain, cun scalegl, cun metal, cun textilias, al taler, vi da projects singuls u vi da projects externs. I vegn er purschì sustegniment ed agid per organisaziuns senza profit sco vischnancas, chasas da dimora, ospitals, spitex e.u.v.
 
Ultra da las pussaivladads menziunadas intermediain nus participantas e participants er a plazzas individualas per in sustegn da fin 6 mais. Questas intermediaziuns vegnan er fatgas tar organisaziuns senza profit.
 

Custs

 
Ils custs per la participaziun al program vegnan per regla surpigliads da las instituziuns cumpetentas.  Mintga assegnaziun basegna in scleriment preliminar. Pussaivels èn er engaschaments a temp parzial.