Il Plantahof po guardar enavos sin ina tradiziun da passa 120 onns sco lieu da furmaziun.
Ils edifizis ils pli vegls dateschan dal cumenzament dal 19avel tschientaner.
1811
Thomas Lareda, oriund da Preaz sen la Mantogna, construescha l'edifizi principal dad oz. Sco pasterner da zutger es el daventà fich bainstant a St. Petersburg en Russia.
El es turnà en sia veglia patria e s'ha deditgà a l'agricultura. Seis bain puril tenor model russ numnan ils indigens simplamain il "bain russ".
1827
Sin la dumonda da Lareda da transfurmar il "bain russ" en in lieu da scolaziun per giuvens umens dal Grischun, che derivan da famiglias evangelicas main bainstantas, na entra il Chantun betg.
1886
Il bain puril va a Rudolf Alexander von Planta. L'um da lura 25 onns pratitgava l'allevament da la razza Brina ed aveva la finamira da promover l'agricultura muntagnarda.
1895
Rudolf Alexander von Planta mora. In ses testament transferescha el il bain puril al chantun Grischun. El colligia dentant la donaziun cun la cundiziun d'adina allevar la razza Brina sin ses bain e d'endrizzar ina scola agricula.
1896
La scola agricula vegn inaugurada uffizialmain. Ella porta il num dal donatur, uschia ch'il manaschi da scolaziun ha num dapi lura "Plantahof".
1909
Suenter la nova concepziun da l'edifizi principal l'onn 1909 vegn il nov stabiliment da scola mess en funcziun l'onn 1953.
1972
Il servetsch da cussegliaziun agricula vegn suttamess a l'Uffizi d'agricultura a Cuira e separà da la scola agricula.
1978
L'edifizi d'internat e la sala da gimnastica vegnan vitiers al cumplex existent.
1992
L'edifizi principal vegn renovà. Il chantun cumpra il manaschi Ganda.
2000
Tras la fusiun dal servetsch da cussegliaziun agricula e da la scola agricula vegn creà il Center da furmaziun e cussegliaziun agricula Plantahof.
2002
Il Plantahof vegn certifitgà tenor la norma ISO 9001:2000.
2007
Avertura dal Center da furmaziun per tecnica agrara e cumenzament da l'utilisaziun cuminaivla da l'infrastructura tras l'Associaziun spezialisada per tecnica agrara dal Grischun (ASTA, oz Agrotec sidost) e tras il Plantahof. L'ASTA dal Grischun fa curs intermanaschials ed examens pratics en las professiuns mecanist(a)s da maschinas agriculas, mecanist(a)s da maschinas da construcziun e mecanist(a)s d'apparats a motor.
La chasa da scola al nord da l'edifizi principal, ch'è vegnida construida l'onn 1958 ed è accessibla tras in corridor da colliament, ha puspè pudì vegnir messa en funcziun suenter in temp da sanaziun da 18 mais. Grazia ad ina nova cuschina da scola po la scolaziun da puras al Plantahof vegnir purschida anc pli extendidamain.
2010
A chaschun dal di tradiziunal dal Plantahof vegn avert il nov auditori Weber.
Ina donaziun generusa da la Fundaziun Carl Weber-Récoulle ha pussibilità da realisar quest'ovra da Olgiati.
2014
Avertura da la nova stalla da muvel grond e spazzada dils stabiliments vegls.
2014
Dals Servetschs psichiatrics dal Grischun surpiglia il Plantahof il bain puril Waldhaus a Cuira ed installescha in center da cumpetenza per biestga manidla en quest lieu.
2021
Das 1958 erbaute Schulhaus nördlich des Hauptgebäudes gelegen und mittels Verbindungsgang erschlossen, konnte nach rund 18 monatiger Sanierungszeit wieder in Betrieb genommen werden. Dank neuer Schulküche kann die Bäuerinnenausbildung noch umfassender am Plantahof angeboten werden.
