En Svizra èn umans daventads fin l'onn 1981 victimas da mesiras repressivas per motivs da provediment. Quai vul dir ch'els èn vegnids internads administrativamain, chastrads e sterilisads sfurzadamain, sfurzads ad aborts, adoptads sut sforz ubain plazzads e collocads ordaifer la famiglia, en famiglias da tgira u en chasas d'uffants.

L'agid a victimas dal Grischun è il post da consultaziun per persunas directamain pertutgadas da mesiras repressivas per motivs da provediment e da plazzaments en lieus esters fin l'onn 1981. Nus As purschain il suandant sustegn:

• Nus As cussegliain e sustegnain tar l'inoltraziun d'ina dumonda a la confederaziun.
• Nus As pudain gidar a tschertgar las actas.
• En cas da basegn intermediain nus persunas spezialisadas cumpetentas.

As annunziai tar nus. Gugent As envidain nus ad in discurs persunal gratuit. Noss numer da telefon e nossa adressa dad e-mail: +41 81 257 31 50 / opferhilfe@soa.gr.ch

Ulteriuras infurmaziuns davart las mesiras repressivas per motivs da provediment e davart las instituziuns involvidas en il chantun Grischun chattais Vus qua.