L'onn 2022 è vegnì offrì a las scolas superiuras la realisaziun dal lavuratori «Nov sistem electoral en il chantun Grischun».

Il nov sistem electoral serva a tractar en moda orientada a la pratica e confurma al stgalim la furmaziun politica il tema actual per scolaras e scolars ed als preschentar uschia pli detagliadamain lur pussaivladads da participar a la politica. Il lavuratori mussa en duas lecziuns ils mecanissems dal nov sistem electoral. Suenter ina introducziun en il nov sistem electoral realiseschan las scolaras ed ils scolars elecziuns tenor maiorz, proporz e proporz dubel. Silsuenter vegnan identifitgadas e discutadas communablamain las differenzas dals sistems.

Tranter la fin da mars e la fin d'avrigl 2022 è vegnì purschì il lavuratori «Nov sistem electoral en il chantun Grischun» en 15 scolas superiuras dal chantun Grischun. La Federaziun svizra dals parlaments dals giuvens (FSPG) ha preparà e realisà ils lavuratoris. Il material didactic dal workshop chattais Vus a la fin da questa pagina tar ils documents.