Famiglias dal di assistan fin trais uffants il medem mument tar sasez u a chasa tar las famiglias.

Ellas n'èn betg affiliadas ad in'organisaziun da geniturs da di. Per quest motiv na vegnan concedidas naginas reducziuns dals custs.

Famiglias dal di privatas che tgiran il medem mument dapli che trais uffants dovran ina permissiun. L'Uffizi chantunal dal servetsch social è cumpetent per conceder la permissiun. Ultra da quai ha el la surveglianza.

Formulars d'annunzia per geniturs da di en il chantun Grischun

Tgi che sa metta en general a disposiziun d'avair quità d'uffants sut 12 onns durant il di u durant la notg en l'atgna chasada, e quai cunter ina indemnisaziun e senza constituir ina relaziun da tgira en famiglia, è obligà da s'annunziar.

Annunzia per ina plazza da tgira durant il di (3 formulars)
Il formular «Annunzia per ina plazza da tgira durant il di» sto vegnir inoltrà tar l'emprima annunzia per ina plazza da tgira durant il di sco er tar l'annunzia, sche las relaziuns èn sa midadas (p.ex. novas relaziuns d'abitar). Sche ulteriurs uffants da di duain vegnir annunziads, na sto il formular betg vegnir inoltrà. 

Annunzia per ina plazza da tgira durant il di
Il formular «Annunzia d`in uffant da di» sto vegnir inoltrà tar mintga annunzia d'ina relaziun da tgira durant il di. En la tabella (punct 4) ston vegnir inditgadas tut las relaziuns da tgira actualas durant il di. 

Annunzia d`in uffant da di
L'Uffizi dal servetsch social dal Grischun recumonda da far in contract da tgira per mintga relaziun da tgira e d'inoltrar ina copia da quel per mauns da l'Uffizi dal servetsch social dal Grischun, partiziun Famiglia, uffants e giuvenils.

Model d'in contract da tgira
Accidents na pon ins betg adina evitar. Cun bunas mesiras da segirezza pudais Vus dentant porscher bler, per che Voss uffant possia far en moda segira e nunblessà exploraziuns.

Segirezza en chasa