Il sustegn da la populaziun e da las persunas spezialisadas è decisiv per evitar e per cumbatter la violenza a chasa. Anc adina è la violenza a chasa in tema che vegn tabuisà da la societad e ch'è collià cun starment e cun vargugna. Las persunas spezialisads presuman, ch'i dettia in grond dumber zuppà. La violenza a chasa è in uschenumnà delict da quatter egls, quai vul dir che la violenza ha per il solit lieu en las atgnas quatter paraids e resta savens en il zuppà. Per persunas pertutgadas da violenza èsi savens difficil da tschertgar agid or d'atgna forza. Savens dovri agid d'ordaifer. Mo sche nus discurrin da quai, pudain nus gidar las persunas pertutgadas da violenza ed obtegnair ina societad main violenta.