Avais Vus gust d'emprestar ina DVD u in cudesch captivant, da leger en paus la gasetta u d'emprender en la Biblioteca chantunala, ma nagin temp d'ans visitar durant las uras d'avertura regularas? N'emporta betg, sch'ins riva baud u notg: ussa è Vossa biblioteca anc pli averta.
Ils ultims onns han adina dapli bibliotecas en Svizra introducì il model da la «Open Library». Las bibliotecas han las uras d'avertura pli lungas. Uschia pon las visitadras ed ils visitaders entrar en biblioteca e far diever da la purschida da prestaziuns da servetsch er, sche las collavuraturas ed ils collavuraturs n'èn betg avant maun al lieu («uras betg servidas»). Uschia pon las visitas da la biblioteca vegnir adattadas en moda flexibla als basegns da mintgadi e dal stil da viver.
A partir dals 25 da zercladur 2024 è la Biblioteca chantunala dal Grischun averta da glindesdi fin dumengia, da las 07.00 fin las 22.00.
Uras d'avertura
Uras d'avertura servidas
| Glindesdi–Venderdi |
09.00–17.30
|
| Sonda |
09.00–16.00 |
Uras betg servidas (Open Library)
| Glindesdi–Venderdi |
07.00–09.00
17.30–22.00 |
| Sonda |
07.00–09.00
16.00–22.00 |
| Dumengia |
07.00–22.00 |
Co funcziuna quai?
Cun ina carta da bibliotaca valaivla da la Biblioteca chantunala dal Grischunpudais vus utilisar l'Open Library. La carta da biblioteca è persunala e betg transferibla.
Tegnai Vossa carta da biblioteca a l'apparat per leger tar l'entrada principala. Alura savais Vus utilisar la partiziun a liber access, la sala da lectura ed ils servetschs disponibels ordaifer ils temps servids.
Servetschs disponibels
En l'Open Library pudais Vus utilisar las suandantas purschidas:
- Plazzas da lavur e sala da lectura, copiader, automat da café, computers da catalog e computers d'internet
- Medias emprestablas da la partiziun a liber access (incl. medias empustadas dal regal da retratga) pon vegnir emprestadas a l'emprest autonom en il plaunterren
- Las medias pon vegnir restituidas con agid da la chascha da restituziun dadora sper l'entrada principala
Servetschs betg disponibels
Durant las uras servidas è il persunal da la biblioteca qua per sustegnair Vus, sche Vus avais basegn per las suandantas prestaziuns:
- Infurmaziuns bibliotecaras e support en cas da problems tecnics
- Inscripziuns novas, empustaziuns da magasins, empustaziuns da l'emprest a distanza, reproducziuns
- Medias che pon mo vegnir consultadas en la sala da lectura, As stattan a disposiziun durant las uras d'avertura servidas
Infurmaziuns impurtantas
Durant l'Open Library vegnan ils locals da la Biblioteca chantunala dal Grischun suttamess ad ina videosurveglianza per motivs da segirezza. Cun utilisar l'Open Library acceptais Vus quai. Las registraziuns dastgan mo vegnir consultadas en il cas da donn (donns materials e da persunas). Ellas vegnan stizzadas suenter 7 dis.
A las 22.00 finescha l'Open Library e la Biblioteca chantunala dal Grischun sto vegnir bandunada. In servetsch da segirezza fa ina controlla.
Vandalissem u auters donns vegnan denunziads.
Dumondas frequentas
Access n'è betg pussaivel?
L'access è mo pussaivel cun la carta da biblioteca uffiziala da la Biblioteca chantunala dal Grischun. Sche Voss abunament da biblioteca è scadì, na pudais Vus betg utilisar l'Open Library. As annunziai per plaschair durant las uras d'avertura servidas tar il persunal da biblioteca.
Signal d'alarm durant bandunar la biblioteca?
Sch'i resuna durant bandunar la biblioteca in signal d'alarm, controllai per plaschair a l'emprest autonom, sche Vus avais cudeschà tut las medias. Sche tut las medias èn emprestadas, na resuna nagin signal d'alarm.
Documents
Open Library