La Cumissiun chantunala da biblioteca è ina cumissiun elegida da la Regenza cun l'incumbensa da sustegnair e da sviluppar ils fatgs da biblioteca dal Grischun. Francada è ella en l'Ordinaziun davart la Biblioteca chantunala dal Grischun. La cumissiun ha tschintg fin nov commembras e commembers e sa cumpona da persunas spezialisadas dals secturs dals fatgs da biblioteca, da la politica, da la furmaziun e da la cultura.

La Cumissiun chantunala da biblioteca agescha tenor las directivas da las bibliotecas dal Grischun che vegnan surlavuradas en intervals regulars. La cumissiun cusseglia la promoziun da las bibliotecas dal Departament d'educaziun, cultura e protecziun da l'ambient (DECA) en dumondas davart las bibliotecas publicas communalas e da scola cumbinadas e represchenta ils interess da talas. Commembras e commembers da la cumissiun accumpognan l'incumbensada da las bibliotecas a las visitas annualas da las bibliotecas en il chantun.