Concept per promover la cultura en il Grischun 2025–2028
La Lescha davart la promoziun da la cultura e l'Ordinaziun davart la promoziun da la cultura formuleschan l'intent e las finamiras da la politica culturala chantunala. D'ina vart fixeschan ellas las incumbensas statalas per promover, per tgirar e per intermediar la cultura, da l'autra vart las cundiziuns generalas, entaifer las qualas la lavur culturala multifara, la participaziun d'ina gronda part da la populaziun a la vita culturala sco er la tgira e l'intermediaziun dal patrimoni cultural pon sa sviluppar. En la Lescha davart la promoziun da la cultura vegn menziunà explicitamain er in concept cumplessiv per promover la cultura en il Grischun, ch'il Cussegl grond deliberescha mintga 4 onns sin proposta da la Regenza. Il segund concept per promover la cultura dals onns 2025 fin 2028 è vegnì approvà dal Cussegl grond en la sessiun d'october 2024.
_________________________________________________________________________________________________________________________
Dumondas
Dumondas per cunvegnas da prestaziun
Las instituziuns culturalas pon inoltrar ina dumonda per concluder ina cunvegna da prestaziun. Er las instituziuns culturalas che possedan gia ina cunvegna da prestaziun pon inoltrar ina dumonda (cunvegna supplementara). Las dumondas ston correspunder stringentamain als puncts centrals da promoziun dal concept per promover la cultura 2025-2028 e cumpiglian per regla la perioda da 4 onns.
La basa legala furman la lescha per promover la cultura sco er l'ordinaziun per promover la cultura.
Übersicht Förderschwerpunkte, Ziele und Massnahmen - romanische Version folgt
Ils documents che ston vegnir inoltrads èn:
- Formular da dumonda (per plaschair cliccar per chargiar sin l'agen computer) - romanische Version folgt
- Intent e finamiras da l'instituziun/organisaziun
- Rapport davart las activitads dals ultims trais onns (2022–2024)
- quints annuals 2022/2023 definitivs e 2024 provisoric
- Descripziun detagliada da la dimensiun da las prestaziuns e dal cuntegn dals onns 2025–2028 (cun referir als accents da promoziuns)
- Program annual 2025
- Budget detaglià incl. plan da finanziaziun 2025
- plan da finanzas 2025–2028
P. pl. inoltrar la dumonda po vegnir inoltrada sche pussaivel a moda digitala ad info@afk.gr.ch.
En cas da dumondas ans pudais Vus gugent er contactar telefonicamain: tel 081 257 48 00
Termin d'inoltraziun: venderdi, ils 28 da favrer 2025