La lavur autonoma a la scola media propedeutica da la Scola chantunala grischuna è ina lavur pli gronda che vegn elavurada a moda autonomaD a scrit u en furma d'in'ovra commentada a scrit mintgamai cun ina preschentaziun a bucca. Per regla elavureschan las scolaras ed ils scolars ina lavur singula, sin dumonda èsi dentant er pussaivel da far lavurs da partenari cun pretensiuns correspundentas.

La lavur vegn accumpagnada e valitada d'ina scolasta u d'in scolast da la scola media propedeutica. Tema e nota da la lavur autonoma fan part integrala dal diplom dal diplom da la scola media propedeutica. La dimensiun, il temp impundì e la valitaziunt da la lavur s'orienteschan tenor il reglament davart la lavur autonoma dals 12 da matg 2004.

Autonom signifitgescha che l'idea, las ponderaziuns e las formulaziuns da la lavur ston esser formulads sez. Quai na vul dentant vetg dir che cuntegns da cudeschs u da l'internet na pon betg vegnir surprendids, essend ch'i dat tematicas, tar las qualas ins sto sa basar sin infurmaziuns da cudeschs, revistas e da l'internet. Ils resultats da la confruntaziun cun il tema duain esser verifitgabels e vegnan preschentads en ina furma adattada.

La lavur autonoma po vegnir elavurada da princip en mintga rom. Ovras dal sectur artistic u creativ ston vegnir accumpagnads cun in text che commentescha il concept ed ils process da realisaziun.