La Regenza ha approvà il project per construir la rampa a blocs Cumparduns en il Rain Posteriur sin il territori da la vischnanca da Tusaun.

Il chantun Grischun vul impedir che plantas ed animals exotics, sco per exempel la conchiglia quagga, vegnian importads en las auas grischunas. Perquai prepara el l'introducziun d'ina obligaziun d'annunziar e da nettegiar bartgas: Las manischunzas ed ils manischunzs ston en l'avegnir annunziar la midada da lur bartga immatriculada d'ina aua en in'autra e nettegiar la bartga, avant che laschar quella en l'aua.

Per l'onn 2024 ha la Regenza concedì contribuziuns chantunalas da maximalmain 595 550 francs per renovar mirs sitgs.

Da la buna pratica al nov standard. Butias sco mazlarias, pasternarias, butias da bains purils, commerzis en detagl, drogarias, fatschentas da bavrondas e latgarias u chascharias pon spargnar daners e prestar ina contribuziun impurtanta per minimar il food waste e pia per reducir las grevezzas per l'ambient, sch'ellas vendan products pli ditg che quai la data da conservabladad inditgescha. Cun quest project porscha l'organisaziun da non profit foodwaste.ch sustegn als commerzis en detagl pitschens e mesauns sco er a las butias dals bains purils per realisar la vendita legalmain permessa da products cun ina conservabladad pli lunga.

La Regenza garantescha a la corporaziun d'aua Provediment d'aua Medel/Lucmagn ina contribuziun da maximalmain 678 154 francs als custs subvenziunabels da var 2,26 milliuns francs per construir il nov provediment d'aua da Fuorns.