La rait per la mesiraziun da l'aria

La rait automatica per la mesiraziun da l'aria dal UNA mesira la polluziun da l'aria en 15 lieus en il Grischun. Las staziuns èn repartidas sur l'entir chantun e mesiran la contaminaziun en lieus tipics en la val dal Rain, en las Vals grischunas dal sid ed en ils lieus turistics pli auts. 

Idrodatas

Il UNA publitgescha datas da passa 91 posts da mesiraziun automatics per auas da surfatscha e per l'aua sutterrana (stadi da l'october 2021) ch'èn repartids sur l'entir chantun. 27 staziuns mesiran il livel e per part er la temperatura, la conductivitad electrica e la deflussiun da las auas da surfatscha. Las ulteriuras 64 staziuns registreschan ultra dal livel da l'aua – en la gronda part dals lieus – er la temperatura e la conductivitad electrica da l'aua sutterrana.

Il UFAM dispona d'ulteriuras staziuns da mesiraziun en il chantun Grischun.

Rait per mesirar l'umiditad dal terren

L'atun 2022 èn vegnidas messas en funcziun las emprimas staziuns automaticas per mesirar l'umiditad dal terren. En il fratemp è la rait da mesiraziun vegnida extendida cuntinuadamain. Actualmain cumpiglia questa rait nov staziuns. Mesirà vegn la tensiun da tschitsch sco mesira per la setgira ed er la temperatura dal terren, omaduas mintgamai en ina profunditad da 20 e da 35 cm.