Termins

L'inspecturat da scola grischun è repartì sur l'entir territori dal chantun tenor las linguas chantunalas en tschintg inspecturats districtuals. Las inspecturas ed ils inspecturs èn francads en lur regiun ed adempleschan l'incarica da la lescha en las otg linguas da scola. En in ciclus da tschintg onns vegnan las scolas evaluadas en il rom da la valitaziun e promoziun da scola.

District Plessur-Grischun central: Termins

Disctrict Val da Rain-Partenz-Tavau: Termins

District Surselva: Termins

District Engiadina-Val Müstair-Samignun: Termins

District Grigioni italiano: Termins

Moduls

Ils moduls descrivan las responsabladads e las incaricas da l'inspecturat da scola grischun. Els cuntegnan basas impurtantas per la lavur da cussegls da scola, direcziuns da scola sco er da persunas d'instrucziun en las scolas localas.

Il modul A cumpiglia l'attribuziun da las cumpetenzas e dals pensums da las scolas respectivamain da l'inspecturat da scola. Ultra da quai descriva el la discussiun dal fatg actuala per segirar e sviluppar la qualitad.

Modul A

Il modul B descriva il proceder da la valitaziun e promoziun da scola 2021-2026 en las scolas publicas. Ultra da quai descriva el il context teoretic sco er las tendenzas actualas dal svilup da la scola e da l'instrucziun.

Modul B

Il modul C preschenta il proceder da la valitaziun e promoziun da scola 2021-2026 en las instituziuns da la scola speziala. El cuntegna il context teoretic sco er las tendenzas actualas dal svilup da la scola en il sectur da las instituziuns da la scola speziala.

Modul C

Basas dal fatg

L'inspecturat da scola metta a disposiziun basas dal fatg ed infurmaziuns davart il context teoretic tar las dimensiuns focusadas en il rom da la valitaziun e promoziun da scola 2021-2026. Cussegls da scola, direcziuns da scola e persunas d'instrucziun en las scolas pon nizzegiar questas infurmaziuns per lur pensums specifics en il rom da la segiranza e dal svilup da la qualitad en il lieu. L'inspecturat districtual responsabel po vegnir dumandà per cussegl.

Documents

Ils suandants documents dattan ina invista en las basas da lavur respectivamain en ils resultats da la valitaziun e promoziun da scola. Els mussan a moda exemplarica co las singulas gruppas vegnan involvidas u tge ponderaziuns dal fatg ch’èn centralas.

Realisaziun dal project da svilup e dal controlling

Suenter la valitaziun e promoziun da scola en il lieu elavurescha la direcziun da scola cun participaziun da las persunas d'instrucziun in project da svilup ed inoltrescha quest a l'inspecturat da scola. Dus onns suenter l'annunzia dal project da svilup examinescha l'inspecturat da scola en il rom dal controlling la realisaziun dal project da svilup. Latiers stat il process da la realisaziun sco er il niz concret dal svilup da la scola e da l'instrucziun en mintga scola en il center.

Planisaziun dal project da svilup
Formular d'annunzia dal project da svilup
Proceder svilup da la qualitad
Efficacitad da la valitaziun e promoziun da scola 2004 - 2019

Proceder da standard tar deficits

Constatescha l'inspecturat da scola dal Grischun en las visitas da l'instrucziun deficits da qualitad ni mancanzas gravantas tar singulas persunas d'instrucziun, vegnan las mesiras necessarias instradadas per eliminar ils deficits ni las mancanzas.

Proceder da standard tar mancanzas gravantas da persunas d'instrucziun

Rapports finals

Ils rapports tar las evaluaziuns da singulas scolas na vegnan betg publitgads. Quests rapports appartegnan a la scola pertutgada sco er a l'inspecturat districtual.
Sin questa pagina vegnan publitgads ils rapports finals chantunals da la valitaziun e promoziun da scola avant l'onn 2020 sco er resultats da retschertgas en differents secturs da la scola grischuna.