En collavuraziun cun l'Associaziun grischuna da gimnastica ha graubündenSport lantschà l'onn 2010 il project «Ma-pi/ba-pi Grischun». En la gimnastica mamma-pitschen u bab-pitschen emprendan ils uffants a far cupitgarolas, a tschiffar ed a bittar ballas e bler auter. En la vegliadetgna da 3 fin 5 onns sa movan ils uffants gugent en gruppas cun auters uffants e cun persunas creschidas. La gimnastica ma-pi/ba-pi vegn purschida en tut il chantun ed en ina fitg buna qualitad sco entrada polisportiva en l'activitad sportiva. Per garantir la qualitad vegnan las manadras ed ils manaders scolads ed èn obligads da frequentar regularmain perfecziunaments. Las manadras ed ils manaders che han ina renconuschientscha valaivla ma-pi/ba-pi e che observan las disposiziuns minimalas survegnan ina indemnisaziun finanziala per lur engaschament.

Dapli infurmaziuns sut www.grtv.ch