Spazis attractivs per sa mover motiveschan umans da far activitads corporalas e d'uschia meglierar lur sanadad. graubündenSport s'engascha ensemen cun il Post spezialisà per la promoziun da la sanadad a favur da spazis attractivs per sa mover en il chantun Grischun.

Ultra da las cussegliaziuns per concepir spazis per sa mover, ch'il Post spezialisà per la promoziun da la sanadad porscha en il rom da la promoziun dal moviment, cumplettescha graubündenSport la purschida cun in sustegn finanzial en furma da contribuziuns or dal fond da sport per construir plazzas da giugar per uffants e pumptracks.

Promoziun da plazzas da giugar per uffants e pumptracks

graubündenSport sustegna la construcziun u la renovaziun da plazzas da giugar per uffants publicas e pumptracks cun contribuziuns or dal fond chantunal da sport. Las plazzas da giugar per uffants e pumptracks ston obligatoricamain esser publicas ed accessiblas durant l'entir di. Il subvenziunament per mintga plazza da giugar importa 20 % dals custs imputabels, maximalmain 10 000.– francs.

Dapli infurmaziuns ed il formular da dumonda chattais Vus qua.

Cussegliaziun per plazzas da pausa

Las scolas e las scolinas en il chantun Grischun han la pussaivladad da laschar giuditgar lur plazzas da giugar e da pausa. Expertas ed experts visitan las scolas e fan propostas per ina concepziun optimala.

Dapli infurmaziuns chattais Vus qua.