Da gronda impurtanza per il Grischun èn er ils contacts cun la politica federala. Quatter giadas per onn, mintgamai avant las sessiuns, han lieu scuntradas cun las parlamentarias ed ils parlamentaris federals grischuns. Questas reuniuns servan a barattar infurmaziuns, a definir puntgs da vista communabels ed a coordinar las modas da proceder. A la delegaziun grischuna vegnan ultra da quai surdadas documentaziuns, sco p.ex. respostas da consultaziun da la regenza grischuna.