Stretgas relaziuns politicas, economicas e culturalas cun ils chantuns, cun las regiuns vischinas en l'exteriur, cun organisaziuns e cun persunas privatas èn indispensablas per in'activitad statala curunada da success. Indispensablas èn er bunas relaziuns cun la confederaziun, spezialmain cun il cussegl federal e cun l'assamblea federala. Questas relaziuns gidan considerablamain a defender ils interess dal Grischun sco chantun d'abitar e da lavurar cun ina vita e purschida culturala variada. Ils meds persuenter èn en spezial:

• l'avertadad envers novs svilups en Svizra, en Europa ed en il spazi global
• la participaziun a projects innovativs en il territori alpin
• concepts transcunfinals per garantir la segirezza da la populaziun
• l'utilisaziun multifara dal potenzial da l'aua e da la forza idraulica en la collavuraziun naziunala ed internaziunala
• l'utilisaziun persistenta da la resursa natirala "cuntrada" tras l'agricultura, l'economia forestala ed il turissem
• la concentraziun sin incumbensas e giavischs ch'èn impurtants per il chantun e per sia populaziun.