Il chantun Grischun s'engascha per che finamiras ed interess chantunals d'impurtanza vegnian recepids da la politica federala ed el fa valair sia posiziun sur divers chanals. D'ina vart tras posiziuns e respostas da consultaziun da la Regenza tar divers temas federals. Da l'autra vart tgira la Regenza in barat regular cun las autoritads federalas, en spezial cun las commembras ed ils commembers dal Cussegl naziunal e dal Cussegl dals chantuns sco er cun las commembras ed ils commembers dal Cussegl federal. Ultra da quai tgira l'administraziun chantunala il barat e la collavuraziun cun ils posts correspundents da l'administraziun federala.