Las persunas natiralas che vegnan taxadas en moda pauschala vegnan taxadas tenor l'art. 14 da la lescha federala davart la taglia federala directa sco er tenor ils art. 14 e 15 da la lescha da taglia per il chantun Grischun. La basa per la taxaziun èn ils custs da vita da las pajataglias e dals pajataglias sco er da lur famiglias. I dat limitas inferiuras per l'autezza da las taglias. Uschia sto actualmain vegnir furnida ina prestaziun fiscala dad almain 85'000.– francs (plus taglia da baselgia) per la confederaziun, per il chantun e per la vischnanca. Ultra da quai sa basa la pauschala sin las entradas che ston esser almain tschintg giadas pli grondas che la valur da l'atgna locaziun u ch'il tschains da locaziun. En blers cas sa basa la pauschalisaziun dentant sin in import da taglia ch'è bler pli aut che questas valurs.

La taxaziun tenor ils custs da vita – sco quai che la confederaziun ed il chantun prevesan – ha per consequenza che las relaziuns effectivas d'entrada e da facultad da las pajataglias e dals pajataglias n'èn betg enconuschentas. Perquai na po er betg vegnir ditg, quant autas che las entradas fissan, sche questas persunas vegnissan suttamessas ad ina taxaziun ordinaria. Pervia da quai na po la dumonda betg vegnir respundida.

15 da zercladur 2009