(Emissiun da las patentas da pestga per la stagiun da pestga 2001)
Tar las preparativas per la proxima stagiun da pestga tutga er il fatg ch'ins ha d'acquistar la patenta da pestga.
Tut las patentas vegnan consegnadas tras la surveglianza da pestga e tras il biro da passaports e patentas. En il Fegl uffizial dal chantun Grischun dals 5 d'avrigl 2001 èn publitgads ils lieus da consegna, las datas e las uras cur ch'ins po retrair la patenta tenor districts da pestga.
En il ravugl da las pestgadras e dals pestgaders vegnan beneventads quest onn spezialmain tut las pestgadras e tut ils pestgaders che pestgan sut surveglianza sco er tut las pestgadras ed ils pestgaders giuvens. Tras la nova lescha chantunala da pestga ch'è entrada parzialmain en vigur obtegna uss er la giuventetgna la pussaivladad da sa participar activamain a la pestga.

Gremi: inspecturat da chatscha e pestga dal Grischun
Funtauna: rg inspecturat da chatscha e pestga dal Grischun