Simon Mark Featherstone, il represchentant il pli aut da Sia Majestad britannica en Svizra, fa mesemna, ils 21 da settember ina visita al Grischun. L'ambassadur vegn accumpagnà da Roy Osborne, director trade and investment, da dr. Simon Harkin, head of political section e da Caroline Morrissey, director of british council. Suenter il bainvegni dals giasts en la chasa grischa a Cuira è previs in gentar communabel. Ils ospitants èn la presidenta da la regenza Eveline Widmer-Schlumpf ed il chancelier Claudio Riesen.
La regenza tgira mintga onn contacts cun las represchentantas e cun ils represchentants da stadis esters en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas materialas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: regenza
Funtauna: rg chanzlia chantunala dal Grischun