Plinavant ston las possessuras ed ils possessurs sa laschar registrar fin il pli tard en in'emna.

Bleras infurmaziuns davart quai e davart la grippa d'utschels en general sa chattan sin la pagina d'internet da l'uffizi federal veterinar sut www.bvet.admin.ch e sin la pagina d'internet da l'uffizi per la segirezza da victualias e per la sanadad d'animals www.alt.gr.ch.

Ils numerus telefons sin la hotline per possessuras e per possessurs da giaglinom tar il servetsch veterinar dal Grischun mussan che las possessuras e ch'ils possessurs da giaglinom sa preparan intensivamain per il scumond da tegnair il giaglinom al liber. Plinavant pon ins er constatar che las possessuras e ch'ils possessurs d'animals han gronda chapientscha per questas mesiras preventivas impurtantas per evitar che la grippa d'utschels vegnia importada en Svizra.

Per preschentar soluziuns simplas per metter sut tetg ils animals sco er per declerar pli exactamain la regulaziun han l'uffizi federal veterinar (www.bvet.admin.ch) ed il servetsch veterinar dal Grischun (www.alt.gr.ch) mess a disposiziun numerusas infurmaziuns sin lur paginas d'internet. Ils proxims dis cumparan questas infurmaziuns er en revistas professiunalas e cuntanschan las possessuras ed ils possessurs da giaglinom tras las federaziuns e tras las organisaziuns.

La hotline per possessuras e per possessurs da giaglinom tar il servetsch veterinar dal Grischun è averta durant las uras da biro da glindesdi fin venderdi, las 7.30 fin las 17.00, sut il numer 081 257 24 14.
Sut quest numer da telefon pon er vegnir fatgas las annunzias per laschar registrar ils effectivs da giaglinom dal Grischun.

Cuira, ils 25 d'october 2005

Gremi:
Funtauna: rg