Gievgia, ils 10 da november 2005 ha lieu il 5avel di naziunal da la figlia.

Millis da mattas vegnan ad accumpagnar quel di a la plazza da lavur lur mammas, lur babs u autras persunas ch'ellas enconuschan; ils mats vegnan a passentar en scola in di d'instrucziun adattà per els.

En il Grischun èn s'annunziadas circa 50 mattas per la concurrenza dal post da stab per dumondas d'egualitad:"Esser scheffa durant in di". Las victuras dastgan accumpagnar durant il di da la figlia las scheffas ed ils schefs en lur differentas interpresas per survegnir ina invista en las pussaivladads da professiun e da carriera. Quest onn èn sa messas a disposiziun las scheffas da las staziuns da la viafier retica, las persunas directivas da la banca chantunala, dal radio rumantsch, da l'ospital da l'Engiadin'auta, da l'ospital da Scuol e dals ospitals da Cuira sco er da la polizia da la citad da Cuira.

Gremi:
Funtauna: rg chanzlia chantunala dal Grischun