La regenza ha elegì Johannes Flury sco rectur da la scola auta da pedagogia (SAP) dal Grischun. El succeda ad Andrea Jecklin che va en pensiun la stad 2006. Johannes Flury vegn a star a disposiziun a la scola auta da pedagogia a partir dal cumenzament da schaner 2006.

1979 ha Johannes Flury fatg il doctorat da teologia a l'universitad da Turitg. En il Grischun è el stà da 1981 fin 1995 directur da la scola media evangelica da Schiers. Suenter funcziuns directivas tar la crusch cotschna svizra e tar l'uffizi federal per furmaziun professiunala e tecnologia ha el surpiglià la direcziun dal sectur sanadad/fatgs socials da la scola auta dal Vallais. Da l'onn 2002 fin l'onn 2004 ha el absolvì cumplementarmain a la professiun in studi da diplom supplementar universitar davart la politica da perscrutaziun e da scola auta.

Gremi: regenza
Funtauna: rg uffizi per la furmaziun terziaria