Gievgia, ils 28 da zercladur 2007, fa la regenza grischuna sia sesida champestra tradiziunala a Spleia. Ultra d'in tur tras il vitg sco er d'ina visita da Spleia turissem e da la chascharia èsi planisà d'ir a guardar la galaria al pass dal Spleia. En cas da bella aura returna la regenza alura a pe en la val. Sco ch'igl è tradiziun, vegnan tgirads cunzunt la saira ils contacts cun las represchentantas e cun ils represchentants da las autoritads da la regiun. La chaschun per far quai porscha ina tschaina communabla en l'hotel Bodenhaus.

Gremi: regenza
Funtauna: rg chanzlia chantunala dal Grischun