Davent dals 30 da fanadur 2007 fin ils 2 d'avust 2007 realisescha il circus d'uffants Lollypop sin il campadi da Trin-Mulin in project da vacanzas cun var 60 scolaras e scolars. Ultra dals uffants indigens da la regiun sa participeschan er circa 30 uffants da famiglias da requirentas e da requirents d'asil da naziuns las pli differentas che vivan en il chantun Grischun. Per quest motiv vegn il project er sustegnì en differents reguards da l'uffizi da fatgs da polizia e da dretg civil dal Grischun. Quest project porscha als uffants da requirentas e da requirents d'asil - empè dad ir en vacanzas - in pau variaziun durant lur vacanzas da scola.
Suenter ina introducziun intensiva en ils divers elements da circus vegn il project concludì cun ina preschentaziun per aspectaturas e per aspectaturs interessads la gievgia saira, ils 2 d'avust 2007, a las 16.00.

Gremi: uffizi da fatgs da polizia e da dretg civil
Funtauna: rg uffizi da fatgs da polizia e da dretg civil