Bravuogn: Il project per construir ina nova staziun dal sistem interchantunal da mesiraziun e d'infurmaziun (IMIS) sin il territori da la vischnanca da Bravuogn vegn approvà e sustegnì cun ina contribuziun da maximalmain 161'262 francs.
Tavau: La revisiun parziala da la constituziun dal circul da Tavau dal 1. da zercladur 2008 vegn approvada.
Mustér: La constituziun da la vischnanca da Mustér dals 22 da zercladur 2008 vegn approvada.
Samignun: La revisiun parziala da la constituziun communala da la vischnanca da Samignun, ch'è vegnida concludida a la votaziun a l'urna dal 1. da zercladur 2008, vegn approvada.
Val S. Pieder: La revisiun parziala da la planisaziun locala da la vischnanca da Val S. Pieder pertutgant la zona d'explotaziun Carlag, che datescha dals 17 da zercladur 2007, vegn approvada cun cundiziuns.
Zernez: La revisiun parziala da la planisaziun locala "Brail Nord" dals 29 d'avust 2007 vegn approvada cun resalvas e cun correcturas.

Contribuziuns chantunalas a differentas instituziuns
Tiradurs sportivs Ruschein: Per installar in indriz electronic per inditgar las tutgadas survegn l'uniun "Tiradurs sportivs Ruschein" ina contribuziun da maximalmain 9'100 francs or dal fond da sport.

Projects da vias
La regenza ha approvà totalmain 300'000 francs per construir e per sanar il suandant traject da via:
- via naziunala A13: augment da la segirezza, tunnel d'Isla Bella
Chanzlia chantunala dal Grischun

Gremi: regenza
Funtauna: rg chanzlia chantunala dal Grischun