Ina delegaziun dad 8 persunas dal cussegl grond dal chantun Sutsilvania fa venderdi, ils 29 d'avust 2008, durant la sessiun d'avust, ina visita a las collegas ed als collegas dal Grischun a Cuira. La delegaziun da la Sutsilvania vegn manada dal president dal cussegl grond sutsilvanais Alfred Bossard e dal vicepresident dal cussegl grond sutsilvanais Res Schmid.

Retschavids vegnan ils giasts dal chantun Sutsilvania dal nov president dal cussegl grond dal Grischun Corsin Farrér e dal vicepresident dal cussegl grond Christian Rathgeb. Il program prevesa la damaun la visita da las tractativas currentas dal cussegl grond ed il suentermezdi ina visita da la firma Stallinger a Domat.

Gremi: chanzlia chantunala dal Grischun
Funtauna: rg chanzlia chantunala dal Grischun