En sia ultima sesida ha la regenza grischuna tractà differentas fatschentas da vischnancas sco er deliberà contribuziuns chantunalas ad instituziuns.

Da vischnancas e da regiuns

• Trin: A la vischnanca da Trin vegn garantida ina contribuziun da maximalmain 698'000 francs per engrondir e per renovar la serenera Dàbi a Trin Digg sco er per colliar l'aua persa da la fracziun da Trin Mulin cun la serenera.
• Küblis: La revisiun parziala da la planisaziun locala da la vischnanca da Küblis dals 30 d'october 2009 vegn approvada.

Contribuziuns chantunalas a differentas instituziuns

• Fundaziun svizra per il turissem social: Cun resalva da la finanziaziun totala reglada vegn concedì – en il rom da la nova politica regiunala da la confederaziun – in emprest dad 1'000'000 francs a la fundaziun svizra per il turissem social, Turitg, e quai per engrondir l'albiert per la giuventetgna a San Murezzan. Supplementarmain vegn garantida ina contribuziun chantunala da 168'339 francs.

Projects da vias
La regenza ha approvà totalmain 1'200'000 francs per construir e per sanar ils suandants trajects da vias:
- via da Ragaz: lavurs d'impressari vi dal surpassadi da las VFF a Maiavilla


Gremi: regenza
Funtauna: rg chanzlia chantunala dal Grischun