Sin proposta dal cusseglier guvernativ Christian Rathgeb ha gì lieu glindesdi, ils 12 da november 2012, a Cuira l'emprima scuntrada da contact dals "generals grischuns". A questa occurrenza èn sa scuntrads represchentants dal militar d'aut rang che derivan dal chantun Grischun u che cumondan truppas grischunas e represchentants dal departament da giustia, segirezza e sanadad ch'è responsabel en il Grischun per ils fatgs dal militar. La scuntrada che duai avair lieu regularmain en l'avegnir ha servì al barat vicendaivel d'infurmaziuns e d'ideas.


Fotografia agiuntada:
Emprima scuntrada da contact.jpg


Emprima scuntrada da contact tranter ils represchentants da l'armada e dal departament da segirezza (da san.):
divisiunari Marco Cantieni, cumandant da la regiun territoriala 3, Hans Peter Risch, manader dal servetsch giuridic sanadad, protecziun da la populaziun e militar, brigadier Peter Soller, schef dal stab dal schef da l'armada, cusseglier guvernativ dr. Christian Rathgeb, schef dal departament da giustia, segirezza e sanadad, Hans Gasser, manader da l'uffizi da militar e da protecziun civila, brigadier Franz Nager, cumandant da la brigada d'infantaria da muntogna 12, divisiunari Fritz Lier (davant), vicecumandant da las forzas terrestras, colonel Daniel Buschauer, schef dal stab territorial chantunal da colliaziun dal Grischun, brigadier Lucas Caduff, cumandant da la furmaziun d'instrucziun infantaria, e divisiunari Aldo Schellenberg, schef dal stab da l'armada, cumandant designà da l'aviatica militara svizra.
 

Infurmaziuns:
cusseglier guvernativ dr. Christian Rathgeb, schef dal departament da giustia, segirezza e sanadad, tel. 081 257 25 01


Gremi: departament da giustia, segirezza e sanadad
Funtauna: rg departament da giustia, segirezza e sanadad