Il cussegl grond vegn a tractar la refurma da la gulivaziun da finanzas (refurma GF) durant la sessiun da december 2013. Questa refurma duai renovar fundamentalmain la gulivaziun da finanzas vertenta per las vischnancas grischunas. Fin la fin da mars 2013 han las vischnancas, ils circuls, las regiuns, las partidas e las organisaziuns interessadas prendì posiziun davart in sboz da consultaziun. La concepziun da basa dal project chatta in vast sustegn. Correcturas èn vegnidas fatgas tar tscherts elements essenzials dal project. Quests giavischs duain vegnir examinads accuratamain. Per conceder temp avunda per quest intent vul la regenza suttametter la missiva al cussegl grond durant la sessiun da december 2013. Uschia sa sposta il termin ch'era previs oriundamain per la sessiun d'october 2013. 
 

Infurmaziuns:
cussegliera guvernativa Barbara Janom Steiner, scheffa dal departament da finanzas e vischnancas (DFV), tel. 081 257 32 01, e-mail: barbara.janom@dfg.gr.ch  
 

Gremi: regenza
Funtauna: rg chanzlia chantunala dal Grischun