La regenza grischuna ha mess en vigur per il 1. da schaner 2016 la revisiun parziala da la lescha davart la banca chantunala grischuna (LBCG). Il cussegl grond aveva tractà il project en la sessiun d'avust. Il termin da referendum è scadì ils 9 da december 2015. Entaifer quest termin n'èn vegnids inoltrads nagins referendums.

Cun la revisiun parziala vegn extendì il circul da persunas che po far part dal cussegl da banca. Fin ussa na dastgavan persunas ch'eran activas per in auter institut suttamess a la lescha da bancas betg sa participar al cussegl da banca. Il temp d'uffizi per commembras e commembers dal cussegl da banca vegn limità a 12 onns. Intginas disposiziuns en la lescha vegnan adattadas formalmain pervia da novas reglas p.ex. en il dretg d'obligaziuns (DO), en ordinaziuns federalas u en circularas da l'autoritad federala per la surveglianza dals martgads da finanzas (FINMA).


Infurmaziuns:
cussegliera guvernativa Barbara Janom Steiner, scheffa dal departament da finanzas e vischnancas, tel. 081 257 32 01, e-mail Barbara.Janom@dfg.gr.ch  


Gremi: regenza
Funtauna: rg chanzlia chantunala dal Grischun