Cun la digitalisaziun en il cussegl grond vegn prendì en mira in parlament senza palpiri. In nov video da la chanzlia chantunala mussa co ch'il traffic da fatschenta electronic funcziuna en il cussegl grond.

La finamira dal traffic da fatschenta electronic en il cussegl grond è quella da render pli facil e pli efficazi il barat da documents tranter il parlament ed il secretariat dal cussegl grond. Las commembras ed ils commembers dal cussegl grond sco er las cumissiuns dal cussegl grond pon tscherner, sch'els vulan survegnir lur documents da lavur (invitaziuns a las sessiuns/a sesidas, protocols sco er ils ulteriurs documents da sesida/da lavur) ubain sin palpiri sin via postala u en furma electronica.
A las deputadas ed als deputads che retiran lur documents da lavur en furma electronica vegn mess a disposiziun in iPad configurà. Per il traffic da fatschenta electronic vegn duvrada la nivla digitala "dropbox". Gia oz lavuran 90 da las 120 deputadas e deputads dal cussegl grond cun in iPad e renunzian a la spediziun per posta dals documents da cumissiun e da sessiun.


Infurmaziuns:
- Domenic Gross, manader dal secretariat dal cussegl grond, tel. 081 257 22 32, e-mail: Domenic.Gross@staka.gr.ch  


Gremi: chanzlia chantunala
Funtauna: rg chanzlia chantunala