Sin invit dal president da la regenza Christian Rathgeb ha gì lieu gia per la tschintgavla giada la scuntrada da contact "generals grischuns" tranter represchentants da l'armada e dal departament da segirezza.

A questa occurrenza èn sa scuntrads represchentants dal militar d'aut rang che derivan dal chantun Grischun u che cumondan truppas grischunas. Preschents èn ultra da quai er stads represchentants dal departament da giustia, segirezza e sanadad ch'è responsabel en il Grischun per ils fatgs dal militar.

La scuntrada ha servì al barat vicendaivel d'infurmaziuns e d'ideas. En il center èn stadas las consequenzas da l'ulteriur svilup da l'armada per il chantun Grischun.

Fotografia:

Da sut a dretga: divisiunari Lucas Caduff, cumandant da la regiun territoriala 3, president da la regenza Christian Rathgeb, schef dal departament da giustia, segirezza e sanadad, brigadier Peter Soller, cumandant da la furmaziun d'instrucziun aviuns 31, brigadier Willy Brülisauer, cumandant da la brigada da chars armads 11, colonel en il stab general Peter Baumgartner, cumandant da la brigada d'infantaria da muntogna 12 ad interim, Martin Bühler, manader da l'uffizi da militar e da protecziun civila, maior Andreas Kieni, cumandant cirquital dal Grischun, litinent colonel Martin Candrian, schef dal stab territorial chantunal da colliaziun dal Grischun, Daniel Spadin, secretari dal departament da giustia e segirezza.


Infurmaziuns:
President da la regenza dr. Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad