Communicaziun da la Regenza dals 20 d'avust 2020
- Seiteninformationen
- Erste Mitteilung
- Neuen Beitrag einfügen
La Regenza ha concedì ina contribuziun finanziala per il project "Alpine Circle Grischun". Uschia vul Grischun Vacanzas commerzialisar meglier attracziuns grischunas sco er generar pernottaziuns e valurisaziun en las destinaziuns respectivas.
Contribuziun ad in project per viadis circulars alpins en il Grischun
En il rom
da la Nova politica regiunala da la Confederaziun (NPR) ha la Regenza concedì a
l'organisaziun turistica Grischun Vacanzas (GRV) ina contribuziun da
900 000 francs per il project "Alpine Circle Grischun". Las
contribuziuns NPR vegnan surpigliadas mintgamai per la mesadad da la
Confederaziun e dal chantun. Cun il project "Alpine
Circle Grischun" vuless GRV concepir e realisar viadis circulars alpins
ensemen cun destinaziuns grischunas e cun ulteriurs partenaris.
"Touring" è in segment turistic che
crescha fermamain sin l'entir mund. Sut touring vegn chapì in viadi circular,
nua che deturs da la ruta definida ad attracziuns spezialas, ad eveniments ed
ad activitads èn bainvegnids ed enritgeschan la purschida. Touring po vegnir
realisà alternantamain cun differents meds da transport. Cun sia concentraziun
d'aventuras po il Grischun esser ina destinaziun captivanta per quest segment.
Il viadi circular maina a quatter attracziuns principalas, la Ruinaulta
(aventura en la chavorgia), il Vadret da Morteratsch nà da la staziun da
muntogna Diavolezza (aventura sin il glatscher), il viaduct da la Landwasser
(aventura cun la viafier) ed il Parc naziunal svizzer (experientscha en la
natira). Questas quatter attracziuns duain vegnir cumplettadas cun var diesch
ulteriuras attracziuns secundaras e cun activitads attractivas specificas per
gruppas en mira en tut il Grischun.
La
finamira dal project "Alpine Circle Grischun" è quella da gudagnar
dapli giasts per il Grischun, che visitan las attracziuns e che genereschan
pernottaziuns e valurisaziun en las destinaziuns respectivas. Il project
cumenza previsiblamain gia la stad 2020, dura 2 onns e mez fin il december 2022
e custa tut en tut circa 4,1 milliuns francs. Totalmain èn indesch destinaziuns
e la Viafier retica prontas da concepir il program da svilup "Alpine
Circle Grischun" ensemen cun GRV e da sustegnair las mesiras cun
contribuziuns finanzialas e cun prestaziuns da lavur.
![Alpine Circle Graubünden](/DE/Medien/Mitteilungen/MMStaka/2020/PublishingImages/Foto%20Alpine%20Circle__w_1200__h_0.jpg)
©Grischun Vacanzas
La Regenza ha concedì ina contribuziun finanziala per
il project "Alpine Circle Grischun". Uschia vul Grischun Vacanzas
commerzialisar meglier attracziuns grischunas sco er generar pernottaziuns e
valurisaziun en las destinaziuns respectivas.
Neuer Artikel
Gremi: Regenza
Funtauna: rg Chanzlia chantunala dal Grischun