Pervia da la situaziun actuala cun la pandemia na po la sessiun betg avair lieu en l'edifizi dal Cussegl grond a Cuira. Il Cussegl grond sa raduna perquai per la quarta giada ina suenter l'autra en il center da congress a Tavau.

Pervia da la situaziun actuala cun la pandemia COVID-19 n'è ina sessiun anc adina betg pussaivla en l'edifizi dal Cussegl grond a Cuira. Er ils proxims pass da schluccada annunziads na midan betg bler en reguard al manaschi parlamentar. Correspundentamain ha la Conferenza da las presidentas e dals presidents decidì a chaschun da sia ultima sesida da preparaziun da la sessiun da zercladur 2021 da sa radunar puspè a Tavau. Il concept da protecziun è sa cumprovà gia trais giadas. E grazia a sia grondezza ed a la concepziun da sias localitads porscha il center da congress avunda plazza sco er la garanzia per ina sessiun segira.

La sessiun da zercladur 2021 dura 3 dis, dals 14 fin ils 16 da zercladur 2021.

Infurmaziuns:
president dal Cussegl grond Martin Wieland, tel. +41 79 799 61 15

Gremi: Chanzlia chantunala
Funtauna: rg Chanzlia chantunala