La Regenza abolescha l'obligatori dal certificat per visitadras e visitaders d'instituziuns da sanadad. Plinavant vegnan abolids l'obligatori da purtar mascrinas sco er la recumandaziun da homeoffice en l'administraziun chantunala.

La situaziun epidemiologica dat buna speranza. Ina surchargia dals ospitals n'hai betg dà e l'occupaziun da las staziuns da tgira intensiva è sa reducida vinavant. Suenter ch'il Cussegl federal ha schlià las bleras mesiras per cumbatter la pandemia, abolescha la Regenza ulteriuras prescripziuns chantunalas:

• l'obligatori dal certificat per visitadras e visitaders d'ospitals, da clinicas, da purschidas da la tgira ed assistenza staziunara da pazientas e pazients da lunga durada e da persunas attempadas, da servetschs da la tgira ed assistenza a chasa (Spitex), da chasas da dimora per persunas cun impediments, da chasas da dimora per uffants e per giuvenils sco er da canortas d'uffants
• l'obligatori da purtar mascrinas sco er la recumandaziun da homeoffice en l'administraziun chantunala

L'aboliziun da las mesiras entra en vigur immediatamain.

Infurmaziuns:

Post da communicaziun per il coronavirus dal chantun Grischun, e-mail kfsmedien@amz.gr.ch, tel. +41 79 716 22 95 (mo per collavuraturas e collavuraturs da las medias)

Responsabladad: Regenza