Ina delegaziun dal Cussegl grond dal chantun Turgovia ha visità oz durant la sessiun d'avust 2023 il Cussegl grond dal Grischun.
La delegaziun da diesch persunas da Turgovia è vegnida manada dal president dal parlament Andreas Zuber. El è vegnì accumpagnà dal vicepresident Peter Bühler e da commembras e commembers dal biro dal Cussegl grond dal chantun Turgovia.
Ils giasts da Turgovia èn vegnids beneventads dal president dal Cussegl grond Franz Sepp Caluori e da la vicepresidenta dal Cussegl grond, Silvia Hofmann. Plinavant èn stads participads a l'inscunter la presidenta ed ils presidents da las fracziuns dal Cussegl grond dal Grischun. L'avantmezdi ha la delegaziun assistì a las tractativas currentas en l'edifizi dal Cussegl grond. Suenter è in gentar cuminaivel stà sin il program. Il suentermezdi è vegnida purschida ina visita guidada tras il Museum d'art dal Grischun.
La visita d'auters parlaments servan al barat d'experientschas sco er a la tgira da las relaziuns amicablas. Questas scuntradas cun persunas directivas amias da parlaments chantunals han lieu ina fin duas giadas l'onn.
Fotografias agiuntadas:
Il president dal Cussegl grond Franz Sepp Caluori (a dretga) beneventa a Cuira il president dal parlament da Turgovia Andreas Zuber (a sanestra).
Las duas delegaziuns parlamentaras en l'edifizi dal Cussegl grond a Cuira.
Responsabladad: Chanzlia chantunala