Sin invitaziun da la Regenza grischuna ha il Cussegl da stadi dal chantun Tessin visità oz suentermezdi il chantun Grischun. En il rom d'in discurs da lavur constructiv ad Arvigo èn vegnids tractads differents temas interchantunals.

A chaschun da sia visita en il chantun Grischun è il Cussegl da stadi, sco che la Regenza chantunala dal Tessin sa cloma, vegnì timunà dal president da stadi Raffaele De Rosa ch'è vegnì accumpagnà da la cussegliera da stadi Marina Carobbio Guscetti sco er dals cussegliers da stadi Christian Vitta, Norman Gobbi e Claudio Zali. Medemamain part da la delegaziun èn il chancelier Arnoldo Coduri ed il delegà per las relaziuns externas Francesco Quattrini stads.

Lingua e traffic en il focus
Las regenzas dals chantuns Tessin e Grischun èn sa scuntradas ad in discurs da lavur ad Arvigo en la Val Calanca. En il center dals discurs èn la promoziun da las medias talianas sco er il traffic da guntgida per lung da l'axa nord-sid stads. Ulteriurs temas èn la futura colliaziun directa da bus da Biasca a Mustér sur il pass dal Lucmagn, la planisaziun dal territori sco er la cooperaziun transcunfinala stads.

Suenter il barat constructiv han las duas delegaziuns visità cuminaivlamain la Chiesa Parrocchiale di Santa Maria ed èn sfunsadas là – ensemen cun l'istoricher Marco Marcacci – en l'istorgia da la Mesolcina.

Fotografias agiuntadas:

©Repubblica e Cantone Ticino

©Repubblica e Cantone Ticino
President da stadi Raffaele De Rosa cun president da la Regenza Peter Peyer

Foto 3, Foto 4

Infurmaziuns:

President da la Regenza Peter Peyer, schef dal Departament da giustia, segirezza e sanadad, e‑mail Peter.Peyer@djsg.gr.ch

Responsabladad: Regenza