A la Dretgira administrativa dal Grischun ha in derschader extraordinari inoltrà sia demissiun per la fin da november 2023. Il motiv è, ch'el transferescha ses domicil en in chantun vischin. Tenor la Lescha davart l'organisaziun giudiziala (art. 23 al. 2) ston las derschadras ed ils derschaders avair il domicil en il chantun Grischun. Perquai n'è in domicil ordaifer il chantun Grischun betg cumpatibel cun l'uffizi da derschader. La Cumissiun da giustia deplorescha quest fatg e vegn ad eleger uschè svelt sco pussaivel ina nova derschadra extraordinaria u in nov derschader extraordinari per la Dretgira administrativa, quai per ina durada limitada fin la fin da l'onn 2024.

Infurmaziuns:

Presidenta da la cumissiun Julia Müller, tel. +41 79 270 13 97

Responsabladad: Cussegl grond / Cumissiun per giustia e segirezza