Per segirar la via han lieu da glindesdi, ils 26 d'avust, fin venderdi, ils 30 d'avust, lavurs da rumir crappa tranter Segl e Plaun da Lej. La via è transibla. Ins sto dentant far quint cun temps da spetga da fin a 30 minutas.

En il sectur dal lieu, nua che la grippa e crappa è sa distatgada ils 22 da mars 2024 (guardar communicaziun a las medias dals 22 da mars 2024) hai ulteriurs lieus periclitads cun parts dal grip instabilas. Per prevegnir ad ina crudada da questas parts dal grip, allontanescha l'Uffizi da construcziun bassa talas a maun. La segirezza per las participantas ed ils participants dal traffic duai uschia esser garantida vinavant.

Consequenzas per il traffic
Las lavurs cumenzan glindesdi, ils 26 d'avust, e duran fin venderdi, ils 30 d'avust 2024. Entaifer questa perioda vegn la via serrada pliras giadas per in curt temp durant l'allontanament da parts dal grip, quai a favur da la segirezza da las participantas e dals participants dal traffic. La via è transibla. I sto vegnir fatg quint cun temps da spetga da fin a 30 minutas. Er la senda da viandar è pertutgada da questas mesiras.

Fotografias agiuntadas:

  

Lieu da distatga da la crudada da crappa e grippa dals 22 da mars 2024.

Infurmaziuns:

Jan Kamm, schef dal district 3 Samedan, Uffizi da construcziun bassa dal Grischun, tel. +41 81 257 68 07 (cuntanschibel a partir da las 15.00), e‑mail Jan.Kamm@tba.gr.ch

Responsabladad: Uffizi da construcziun bassa