Ils 31 da mars 2025 finescha la perioda d'uffizi da Barbara A. Heller sco cussegliera da la Banca chantunala grischuna. La Regenza grischuna ha prolungà ses mandat per 4 onns fin ils 31 da mars 2029.

Barbara A. Heller fa part dapi l'onn 2021 dal Cussegl da la Banca chantunala grischuna (BCG). Ella ha studegià scienzas economicas e politicas ed ha lavurà durant circa dus decennis en la branscha da finanzas e da farma en posiziuns directivas. Oz maina ella sia atgna interpresa che porscha servetschs en il sectur da la corporate governance. Ella ha enconuschientschas fundadas da la branscha da finanzas ed experientschas pli profundas en la gestiun ed en la cussegliaziun d'interpresas. Barbara A. Heller occupa differents mandats en gremis directivs ed en gremis d'experts. Ella abita a San Murezzan.

La Regenza elegia las commembras ed ils commembers dal Cussegl da la BCG. En quest connex resguarda ella lur profil d'exigenzas sco er las prescripziuns da l'Autoritad federala per la surveglianza dals martgads da finanzas FINMA.

Il Cussegl da banca è l'organ suprem da la BCG. Il gremi da set persunas surveglia e controllescha la gestiun. Plinavant fixescha el l'orientaziun strategica, la politica da ristgas sco er l'urden reglamentar fundamental da la banca.

Fotografia agiuntada:

Barbara A. Heller (© BCG)

Infurmaziuns:

Cusseglier guvernativ Martin Bühler, schef dal Departament da finanzas e vischnancas, tel. +41 81 257 32 05 (cuntanschibel da las 17.40 fin las 18.30), e-mail Martin.Buehler@dfg.gr.ch

Responsabladad: Regenza